Söweş Sebäpli Ukrainanyň Ilatynyň 1/3 Bölegi Ýurduny Terk Etdi

BMG, Russiýanyň 24-nji fewralda başladan hüjümlerinden bäri Ukrainanyň ilatynyň 1/3 böleginiň ýurduny terk edendigini mälim etdi.

BMG tarapyndan berlen ýazmaça beýannamada, ukrainaly bosgunlaryň ýagdaýy hakynda maglumat berildi.

Beýannamada, Ukrainanyn ilatynyň 1/3 böleginiň söweşiň başlamagyndan soň ýurduny terk edendigi nygtaldy we zenanlaryň, çagalaryň we ýaşulylaryň söweş sebäpli agyr günleri başdan geçirýändigi bellenildi.

Beýannamada, halkara hukugyna laýyklykda bosgunlaryň we maşgalalarynyň goralmalydygy we çagalaryň goralmagyna uly ähmiýet berilmelidigi ýatladyldy.

Beýleki tarapyndan BMG-nyň Ynsanperwer işleriniň utgaşyklygyndan jogapkär gullugy OCHA, Russiýanyň ilatly ýerelere düýn guran raketa hüjümleri sebäpli müňlerçe maşgalanyň elektrik togynyň kesilendigini mälim etdi.

Gurama tarapyndan berlen beýanamada, Russiýanyň hüjümleriniň Ukrainadaky ynsanperwer kömek işlerini bökdändigi bellenildi.