Julian Assanž ABŞ-na Yzyna Beriler
Iňlis Hökümeti WikiLiks atly internet sahypasynyň esaslandyryjysy Julian Assanžyň ABŞ-da jenaýat işine çekilmegi üçin yzyna berilmegi boýunça karar kabul etdi.
Britaniýanyň Içeri işler ministri Priti Patel, Julian Assanžyň jenaýat jogapkärçiligine çekilmek üçin ABŞ-na berilmegi hakyndaky karasy tassyklady.
Ministrlikden berilen beýannamada; “17-nji iýunda hem Orta derejeli kazuýet hem-de Ýokary kazyýet tarapyndan seredilen işden soň Assanžyň ABŞ-na gaýtaryp berilmegi hakynda karara gelindi” diýilýär.
Assanžyň karara nägilelik bildirmegi üçin 14 günlük möhleti bar.
WikiLiksden berilen beýannamada Assanžyň şol hukugyndan peýdalanmak isleýändigi habar berildi.
ABŞ, Julian Assanžy 2010-2011-nji ýyllarda müňlerçe gizlin resminamanyň neşir edilmegi sebäpli 18 etmişden jenaýat işine çekmek isleýär.
Resmi Waşington esasanda Amerikan goşunlarynyň Yrakda we Owganystanda “harby jenaýat” bolmagy ähtimal işleri bilen bagy müňlerçe gizlin resminamany neşir etmekde günäkärlenýän Assanža, içalylyk sebäpli jenaýat işini gozgamak isleýär.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.
