Eýranda ýer titremesi boldy
Eýranyň Çaharmahal we Bahtiýari welaýatynyň Çelgerd şäherinde bolan 5,7 bal ululygyndaky ýer titremede 12 adam ýaralandy
Tähran uniwersitediniň Seýismalogiýa merkezinden berilen beýanatda, Eýranyň Çaharmahal we Bahtiýari welaýatynyň Çelgerd şäherinde ýerli wagt sagat 06:09-da 5,7 bal ululygynda ýer titremäniň bolandygy habar berildi.
Ýer titremäniň ýeriň 10 km aşagynda bolandygy mälim edildi.
Eýranyň Tiz kömek gullugynyň metbugat sekretary Müjteba Halidi, başdan geçirilen ýer titremede 12 adamyň ýaralanandygyny belläp: "8 adam ýer titreme başdan geçirilen mahaly daşary çykjak bolanda ýaralandy, 4 adam bolsa harabalyklaryň aşagynda galyp ýaralandy" diýip habar berdi.
Ýaralanan adamlaryň 6-synyň hassahanada bejergi edilip öýlerine ugradylandygyny, 6 adamyň bejergisiniň bolsa dowam edýändigini aýdan Halidi, ýer titreme sebäpli 20 oba zyýan ýetendigini aýan etdi.
Degişli Habarlar
Blinken Gallant Bilen Duşuşdy
ABŞ-nyň Döwlet sekretary Entoni Blinken Ysraýylyň Goranmak ministri Ýoaw Gallant bilen duşuşdy.
