Taliban Kabul howa menziliniň halkara uçar saparlaryna açykdygyny habar berdi

Owganystanda gözegçiligi ele geçiren Taliban, ýurdyň paýtagty Kabul şäherindäki Halkara Hamid Karzaý howa menzilindäki tehniki näsazlyklaryň ortadan aýrylandygyny we halkara uçar saparlaryna dowam ediljekdigini mälim etdi. 

Owganystanda Talibanyň wagtlaýyn hökümetiniň Daşary işler ministrliginiň metbugat geňeşçisi Abdul Kahar Balkhi beren ýazmaça beýanatynda,  Kabul şäherindäki Halkara Hamid Karzaý howa menziline guraljak uçar saparlarynyň çäginde ähli howa ýollary kärhanalary bilen hyzmatdaşlyk içinde hereket etjekdiklerini aýan etdi. 

Balkhi, Kabul şäherindäki Halkara Hamid Karzaý howa menzilindäki tehniki näsazlyklaryň ortadan aýrylandygyny, ozal uçar saparlary guran ähli howa ýollary kärhanalarynyň we ýurtlaryň bu ýere uçar saparlaryny başlatmaklaryna garaşýandyklaryny mälim etdi. 

Owganystandaky syýasy üýtgeşmäniň awiasia pudagynadada birnäçe näsazlyklar döredendigini we şol sebäpli uçar saparlarynyň wagtlaýyn häsýetde togtadylandygyny aýdan Balkhi, ýurdyň öz içindäki uçar saparlarynyň hem başlap biljekdigini aýan etdi. 

Talibanyň Owganystanda gözegçiligi ele geçirmeginden soň ABŞ-nyň esgerleriniň howa menzilinden çykmagyndan ozal, radar ulgamlaryna we käbir enjamlara zyýan ýetirmegi sebäpli awgust aýynda Kabul howa menzilinde uçar saparlary bes edilipdi.