Kabul howa menziliniň golaýynda partlamanyň sesleri eşidildi
Kabul howa menziliniň golaýynda partlama sesleriniň eşidilendigi mälim edildi
Owganystanyň paýtagty Kabul şäherindäki howa menziliniň demirgazyk-günbataryna degen raketa sebäpli 1 çaganyň ýogalandygy habar berildi.
Kabul howa menziliniň golaýynda partlamalaryň sesleriniň eşidilendigi mälim edildi.
Beýik Britaniýanyň Reuters habarlar agentliginiň berýän habaryna görä, 2 şaýat partlamanyň raketaly hüjüm sebäpli bolandygyny habar berdiler.
Habarda Kabul howa menziliniň golaýynda tüssäniň çykýandygy aýan edildi.
Owganystanyň Polisiýa gullugy, howa menziliniň demirgazyk-günbataryna degen raketa sebäpli 1 çaganyň ýogalandygyny mälim etdi.
Beýleki tarapdan 2 amerikan resmi, alynan ilkinji maglumatlara görä DAIŞ şübhesi astynda bolan adamlaryň ABŞ tarapyndan nyşana alynandygyny habar berdiler.
Talibanyň metbugat geňeşçisi bolsa ABŞ-nyň Kabul howa menziline hüjüm guramak islän bir kamikaze hüjümçisiniň ulagyny nyşana alandygyny beýan etdi.
Ady agzalan ýerde penşenbe güni terror guramasy DAIŞ tarapyndan guralan hüjümlerde 170 adam ýogalypdy.