Ukrainada koronawirus epidemiýasy sebäpli ýogalanlaryň sany 25 müň 156 adama ýetdi
Ukraina, ABŞ-nyň biotehnologiýa kärhanasy Nowaksdan 15 million doza sanjym alar
Dünýä derejesinde koronawirus epidemiýasy sebäpli ýogalanlaryň sany 2 million 479 müň 156 adama, wirusa ýoluganlaryň sany 112 million 15 müň adama, saglyk ýagdaýy gowulaşanlaryň sany bolsa 87 million 384 müň adama ýetdi.
Hindistanda koronawirus epidemiýasy sebäpli ýogalanlaryň sany soňky 24 sagatda 72 adam artyp, jemi 156 müň 418 adama ýetdi. Ýurtda wirusa ýoluganlaryň sany bolsa soňky 1 günde 13 müň 704 adam artyp, jemi 11 million 5 müň 850 adama ýetdi.
Russiýada Kowid-19 epidemiýasy sebäpli ýogalanlaryň sany soňky 1 günde 337 adamlyk artyş bilen, jemi 83 müň 630 adama ýetdi. Ýurtda wirusa ýoluganlaryň sany bolsa 12 müň 604 adamlyk artyş bilen 4 million 177 müň adama ýetdi.
Koronawirus epidemiýasy sebäpli 7 müň 417 adamyň ýogalan, 424 müň 507 adamyň wirusa ýolugan Ýaponiýada, ýokary okuw jaýlarynda okaýan 5 müň 800 talybyň okuwlaryna aprel-dekabr aýlary aralygynda koronawirus sebäpli arakesme berendigi ýüze çykdy.
Taýlantda koronawirus sebäpli 83 adam ýogaldy. Ýurtda wirusa ýoluganlaryň sany bolsa 25 müň 504 adama ýetdi. Hytaýyň Sinowak kärhanasy tarapyndan oýlanyp tapylan koronawirus sanjymnyň 200 müň dozalyk ilkinji tapgyrynyň çarşenbe güni Taýlanda barmagyna garaşylýar.
Hytaýyň Gonkong sebitinde koronawirus epidemiýasyna garşy sanjym kampaniýasy başladyldy.
Epidemiýa sebäpli 25 müň 156 adamyň ýogalan Ukraina, ABŞ-nyň biotehnologiýa kärhanasy Nowaksdan 15 million doza sanjym alar.
Afrika materiginde Kowid-19 epidemiýasy sebäpli ýogalanlaryň sany 101 müň adamdan geçdi. Materikde wirus ýokanlaryň sany bolsa 3 million 850 müň 713 adama ýetdi. Afrikada Kowid-19 wakalary esasan hem Günorta Afrika Respublikasy, Marokko, Tunis, Efiopiýa we Nigeriýa ýaly ýurtlarda hasaba alyndy. Materikde Ruanda, Marokko, Alžir, Müsür, Seýşel adalary, Mawrikiý we Ekwador Gwineýasy ýaly ýurtlarda köpçülikleýin sanjym işleri başladyldy.
