Britaniýada Kovid-19 Sebäpli Ýogalanlaryň Sany 45,3, Wirusa Ýoluganlaryň Sany 119 Göterim Artdy

Dünýäde täze görnüş koronawirus epidemiýasy sebäpli ýogalanlaryň sany 1 million 876 müň, wirusa ýoluganlaryň sany 86 million 839 müň, sagalanlaryň sany 61 million 565 müň adamdan geçdi.

Epidemiýanyň merkezi ABŞ-da koronawirus sebäpli 365 müň adam ýogaldy, 21 million 578 müň 606 adam hem hasaba alyndy.

Italiýada epidemiýa sebäpli ýogalanlaryň sany soňky 24 sagatda 629 adam artyp 76 müň 329, wirusa ýoluganlaryň sany 15 müň 378 adam artyp 2 million 181 müň 619 adama ýetdi. Ýurtda koronawirus epidemiýasyna garşy girizilen goşmaça çäreleriň möhlediniň 15-nji ýanwara çenli uzadylmagyna garaşylýar.

Britaniýada wirus sebäpli ýogalanlaryň sany soňky 24 sagatda 830 adam artyp 76 müň 305, hasaba alynan kesellileriň sany 60 müň 916 adam artyp 2 million 774 müň 479 adama ýetdi. Ýurtda epidemiýa sebäpli ýogalanlaryň sany soňky bir hepde-de 45,3 wirusa ýoluganlaryň sany 119 göterim artdy.

Fransiýada, Kovid-19 sebäpli ýogalanlaryň sany 1 günde 346 adam artyp 66 müň 282, wirusa ýoluganlaryň sany 20 müň 489 adam artyp 2 million 680 müň 239 adama ýetdi.

Koronawirus Germaniýada 37 müň 180 adamyň ýogalmagyna, 1 million 814 müň 565 adamyň hem hasaba alynmagyna sebäp boldy. Ýurtda 16-njy dekabrda girizilen goşmaça çäreleriň möhledi 31-nji ýanwara çenli uzadyldy.