Epidemiýanyň Merkezi ABŞ-da Kovid-19 Sebäpli 21 Million 353 Müň 51 Adam Hasaba Alyndy

Dünýäde täze görnüş koronawirus epidemiýasy sebäpli ýogalanlaryň sany 1 million 860 müň 600, wirusa ýoluganlaryň sany 86 million 110 müň, sagalanlaryň sany 61 million 60 müň adamdan geçdi.

Epidemiýanyň merkezi ABŞ-da Kovid-19 sebäpli ýogalanlaryň sany 362 müň 123, wirusa ýoluganlaryň sany 21 million 353 müň 51 adama ýetdi.

Birtaniýada epidemiýa sebäpli ýogalanlaryň sany soňky 24 sagatda 407 adam artyp 75 müň 431, hasaba alynan kesellileriň sany 58 müň 784 adam artyp 2 million 713 müň 563 adama ýetdi. Ýurtda koronawirusyň çalt ýokaşýan görnüşine ýoluganlaryň sanynyň gün saýyn artýandygy sebäpli 3-nji gezek karantin yglan edildi. Premýer ministr Boris Jonson, halka ýüzlenip eden çykyşynda, alymlaryň bu görnüşiniň 50-70 göterim has çalt ýokaşýandygyna ynanýadygyny ýatlatdy. Karantiniň geljek aýyň ortalaryna çenli dowam etmegine garaşylýar.

Fransiýada Kovid-19 sebäpli ýogalanlaryň sany soňky 24 sagatda 380 adam artyp 65 müň 415, wirusa ýoluganlaryň sany 4 müň 22 adam artyp 2 million 659 müň 750 adama ýetdi. Ozalky Saglygy goraýyş ministri sanjym tapgynyň depgininiň gaty ýuwaşdygy sebäpli Prezident Emmanuel Makrony tankyt etdi.

Italiýada epidemiýa sebäpli 75 müň 680 adam ýogaldy, 2 million 166 müň 244 adam hem hasaba alyndy. Häzire çenli 150 müň adama koronawirus sanjymy edildi.

Koronawirus Meksikada 127 müň 757 adamyň ýogalmagyna, 1 million 455 müň 219 adamyň hem hasaba alynmagyna sebäp boldy. Hökümet Oxford uniwersitetiniň AstaZenika derman firmasy bilen birlikde öndüren Kovid-19 sanjymynyň ýurtda gyssagly ulanylmagyna rugsat berdi.

Peruda Kovid-19 sebäpli 37 müň 873 adam ýogaldy, 1 million 21 müň 58 adam hem hasaba alyndy. Ýurtda köçä çykmak gadagançylygynyň göwrümi giňeldildi.

Koronawirus Kolumbiýada 44 müň 187 adamyň ýogalmagyna, 1 million 686 müň 131 adamyň hem hasaba alynmagyna sebäp boldy.