Owganystanyň Farýab welaýatynda bombaly hüjüm guraldy
Taliban tarapyndan hadysa bilen bagly beýanat berilmedi
Owganystanyň demirgazygyndaky Farýab welaýatynyň Döwlet Abad etrabynda Talibana agza terrorçylaryň bomba ýüklenen ulag bilen guran hüjüminde 3 howpsuzlyk gullukçysy ýogaldy.
Farýab welaýatynyň Içeri işler edarasynyň metbugat geňeşçisi Abdulkerim Ýuriş, Talibana agza terrorçylaryň welaýatyň Döwlet Abad etrabynyň merkezinde ulaga ýerleşdirilen bombany partlandyklaryny habar berdi.
Partlamada 3 howpsuzlyk gullukçysynyň ýogalandygyny, 5-si asuda ilatdan bolan jemi 10 adamyň ýaralanandygyny aýdan Ýuriş, hüjüm sebäpli golaýdaky öýlere we iş ýerlerine zeper ýetendigini beýan etdi.
Taliban tarapyndan hadysa bilen bagly beýanat berilmedi.
Degişli Habarlar
"Ysraýyl Gazada on müňlerçe çagany öldürdi ýa-da maýyp etdi"
BMG: "Ysraýyl Gazada on müňlerçe çagany öldürdi ýa-da maýyp etdi" diýip mälim etdi
