Koronawirus epidemiýasy dünýä ýurtlaryna howp ýetirmäge dowam edýär
Dünýäde koronawirusdan soň saglyk ýagdaýy gowulaşanlaryň sany 42 million 32 müň adamdan geçdi
Dünýä derejesinde täze görnüş koronawirus epidemiýasy (Kovid-19) sebäpli ýogalanlaryň sany 1 million 426 müň adama ýetdi. Dünýäde Kovid-19-a ýoluganlaryň sany 60 million 721 müň adamdan, saglyk ýagdaýy gowulaşanlaryň sany bolsa 42 million 32 müň adamdan geçdi.
Hindistanda Kovid-19 epidemiýasy sebäpli ýogalanlaryň sany 135 müň 261 adama, ýurtda wirusa ýoluganlaryň sany bolsa 9 million 266 müň adama ýetdi.
Russiýada Kovid-19 sebäpli adam ýitgisi 37 müň 538-e, wirusa ýoluganlaryň sany bolsa 2 million 162 müň adama ýetdi.
Eýranda koronawirus epidemiýasy sebäpli ýogalanlaryň sany 46 müň 207 adama, hasaba alynanlaryň sany bolsa 894 müň 385 adama ýetdi.
Ýaponiýada Kovid-19 epidemiýasy sebäpli ýogalanlaryň sany 2 müň 49 adama, wirus ýokanlaryň sany bolsa 138 müň 499 adama ýetdi. Ýurtda wirusa ýolugýanlaryň sany azalman halatynda täze ýyldan ozal Adatdan daşary ýagdaýyň girizilip bilinjekdigi mälim edildi.
Palestinanyň Saglygy goraýyş ministrligi tarapyndan berilen beýanata görä, Ysraýylyň gabaw astyndaky Gazada koronawirus epidemiýasy sebäpli şu günki güne çenli 78 adam ýogaldy, wirusa ýoluganlaryň sany bolsa 17 müňe golaýlady.
Afrika materiginde epidemiýa sebäpli ýogalanlaryň sany 318 adamlyk artyş bilen 50 müň 736 adama ýetdi. Materikde wirus ýokanlaryň sany bolsa 14 müň 835 adamlyk artyş bilen, 2 million 120 müň 356 adama ýetdi. Kovid-19 sebäpli ýogalanlaryň sany Günorta Afrika Respublikasynda 21 müň 201 adama, Müsürde 6 müň 585 adama, Marokkoda bolsa 5 müň 539 adama ýetdi.
Degişli Habarlar
"Muhammed Ýunusyň ýolbaşçylygyndaky hökümete goldaw bermäge dowam ederis"
Bangladeşiň Baş ştabynyň başlygy Zaman,hökümete goldaw bermäge dowam etjekdigini aýtdy.
