Aliýew Guterriş Bilen Duşuşdy
Azerbaýjanyň Prezidenti Ilham Aliýew BMG-niň baş sekretary Antoniu Guterriş bilen wideokonferensiýa görnüşinde duşuşyk geçirdi
Prezident Aliýew Daglyk Garabag meselesinin Ermenistanyň goşunlary tarapyndan basylyp alynan ýerlerden dessine yza çekilmegini talap edýän BMG-niň Howpsyzlyk geňeşiniň degişli kararlaryna laýyklykda çözülmelidigini beýan etdi.
Azerbaýjanyň Prezidenti Ilham Aliýew BMG-niň baş sekretary Antoniu Guterriş bilen wideokonferensiýa görnüşinde geçiren duşuşygynda Ermenistanyň Azerbaýjana guraýan hüjümleri hakynda maglumat berdi.
Aliýew hüjümleriň dowamynda harby we harby däl adam pidalarynyň çekilýändigini gürrüň berip, Azerbaýjanyň goranyş maksatly hüjüme geçendigini aýtdy.
Ermenistanyň hökümetiniň gepleşikler tapgyryny bilkastlaýyn bökdändigini, Ermenistanyň Premýer-ministri Nikol Paşinýanyň “Daglyk Garabag Ermenistanyňkydyr” görnüşindäki beýannamasynyň gepleşikler tapgyryna agyr zarba urandygyny beýan eden Aliýew: “Daglyk Garabag meselesi diňe halkara hukuk kadalaryna we Azerbaýjanyň territorial bitewiligine laýyklykda Ermenistanyň goşunlarynyň basyp alan ýerlerinden dessine, şertsiz we doly yza çekilmegini talap edýän BMG-niň Howpsyzlyk geňeşiniň degişli kararlaryna laýyklykda çözülmeli” diýdi.
