Eýranda Kovid-19 epidemiýasy sebäpli ýogalanlaryň sany artmaga dowam edýär

Dünýä derejesinde koronawirus epidemiýasy sebäpli ýogalanlaryň sany 925 müň 380 adamdan, wirusa ýoluganlaryň sany 28 million 990 müň adamdan, saglyk ýagdaýy gowulaşanlaryň sany bolsa 20 million 867 müň adamdan geçdi. 

Hindistanyň saglygy goraýyş minsitrliginden berilen beýanata görä, koronawirus epidemiýasy sebäpli ýene-de 1 müň 114 adamyň ýogalmagy bilen, ýurtda Kovid-19 sebäpli ýogalanlaryň sany 78 müň 727 adama ýetdi. Hindistanda wirusa ýoluganlaryň sany bolsa soňky 24 sagatda 94 müň 372 adam artyp, jemi 4 million 764 müň adama ýetdi.

Eýranda Kovid-19 sebäpli ýogalanlaryň sany soňky 24 sagatda 128 adam artyp, 23 müň 157 adama ýetdi. Ýurtda wirusa ýoluganlaryň sany 2 müň 89 adam artyp, 402 müň 29 adama ýetdi. Kovid-19-a ýolugan adamlaryň 3 müň 791-siniň saglyk ýagdaýynyň agyrdygy mälim edildi. 

Russiýada täze görnüş koronawirus epidemiýasy sebäpli ýogalanlaryň sany 18 müň 578 adama, Kovid-19 ýokanlaryň sany bolsa 1 million 62 müň adama ýetdi.  

Afrika materiginde koronawirus epidemiýasy sebäpli ýogalanlaryň sany soňky 24 sagatda 146 adamlyk artyş bilen, 32 müň 556 adama ýetdi. Materikde wirus ýokanlaryň sany bolsa 7 müň 494 adamlyk artyş bilen, 1 million 352müň 693 adama ýetdi. 

Günorta Afrikada Kovid-19 sebäpli soňky 24 sagatda ýene-de 49 adamyň ýogalmagy bilen, jemi ýogalanlaryň sany 15 müň 427 adama ýetdi. Ýurtda hasaba alynanlaryň sany bolsa 1 müň 816 adam köpelip, jemi 648 müň 214 adama ýetdi. 

Kovid-19 sebäpli Müsürde ýogalanlaryň sany 5 müň 627 adama, Alžirde bolsa 1 müň 605 adama ýetdi. 

Koronawirus epidemiýasy sebäpli jemi 1 müň 101 adamyň ýogalan Ysraýylda, wirusa ýoluganlaryň sany 152 müň 525 adama ýetdi. 

Saud Arabystanynyň Saglygy goraýyş ministrliginden berilen ýazmaça beýanata görä, soňky 24 sagatda Kovid-19 sebäpli ýogalanlaryň sany 28 adam artyp, 4 müň 268 adama, wirusa ýoluganlaryň sany bolsa 601 adam artyp, 325 müň 651 adama ýetdi.