ABŞ-da Kovid-19 sebäpli ýogalanlaryň sany 198 müň 128 adama ýetdi

Dünýä derejesinde koronawirus epidemiýasy sebäpli ýogalanlaryň sany 924 müň 610 adamdan, wirusa ýoluganlaryň sany 28 million 946 müň adamdan, saglyk ýagdaýy gowulaşanlaryň sany bolsa 20 million 813 müň adamdan geçdi. 

Koronawirus epidemiýasy sebäpli ABŞ-da şu günki güne çenli 198 müň 128 adam ýogaldy. Ýurtda hasaba alynanlaryň sany bolsa 6 million 676 müň adama ýetdi. 

Braziliýanyň Saglygy goraýyş ministrliginiň berýän maglumatyna görä, soňky 24 sagatda ýene-de 814 adamyň ýogalmagy bilen ýurtda Kovid-19 sebäpli ýogalanlaryň sany 131 müň 274 adama, wirusa ýoluganlaryň sany bolsa 33 müň 523 adam artyp, 4 million 315 müň adama ýetdi. 

Meksikanyň saglygy goraýyş ministrliginiň berýän habaryna görä, ýurtda soňky 24 sagatda ýene-de 421 adamyň ýogalmagy bilen koronawirus epidemiýasy sebäpli jemi ýogalanlaryň sany 70 müň 604 adama ýetdi. Ülkede Kovid-19 ýokanlaryň sany bolsa 5 müň 674 adamlyk artyş bilen 663 müň 973 adama ýetdi. 

Britaniýada täze görnüş koronawirus epidemiýasy sebäpli ýogalanlaryň sany soňky 24 sagatda ýene-de 9 adam artyp, 41 müň 623 adama, wirusa ýoluganlaryň sany bolsa 3 müň 497 adam artyp, 365 müň 174 adama ýetdi. 

Italiýada soňky 24 sagatda täze görnüş koronawirus epidemiýasy sebäpli ýogalanlaryň sany ýene-de 6 adam köpelip, jemi 35 müň 603 adama ýetdi. Wirus ýokanlaryň sany bolsa 1 müň 501 adam artyp, jemi 286 müň 297 adama ýetdi. 

Fransiýada Kovid-19 epidemiýasy sebäpli ýogalanlaryň sany ýene-de 17 adam artyp, jemi 30 müň 910 adama, wirusa ýoluganlaryň sany bolsa 10 müň 561 adamyň artmagy bilen jemi 373 müň 911 adama ýetdi. 

Awstraliýada Kovid-19 sebäpli ýogalanlaryň sany 810 adama, wirusa ýoluganlaryň sany bolsa 26 müň 648 adama ýetdi. 

Koronawirus pandemiýasy sebäpli 633 adamyň ýogalan Wengriýada wirusa ýoluganlaryň sany 11 müň 825 adama ýetdi. 

Kovid-19 sebäpli ýogalanlaryň sany Peruda 30 müň 593 adama, Ispaniýada 29 müň 747 adama, Kolumbiýada 22 müň 734 adama, Çilide 11 müň 895 adama we Argentinada 11 müň 263 adama ýetdi.