BMG 90 gün global gumanitar hüjüm etmezlik talap etmek hakynda karar kabul etdi

BMG-nyň Howpsyzlyk geňeşi, täze görnüş koronawirus epidemiýasyna garşy göreşiň çäginde 90 gün global gumanitar hüjüm etmezlik talap etmek hakynda karar kabul etdi.

BMG-nyň Baş sekretary Antoniu Guterreşiň 23-nji martda beren we 3 aý dowam eden gepleşiklerden soň Fransiýa we Howpsyzlyk geňeşiniň wagtlaýyn agzalaryndan Tunis tarapyndan taýarlanan “Kowid-19 karar taslamasy sese goýulşyga hödürlendi.

Pandemiýa sebäpli BMG-nyň Howpsyzlyk geňeşinde sese goýulşygyň geçirilmändigi üçin agza ýurtlara kararlaryny bildirmekleri üçin 24 sagat möhlet berildi we karar 15 agzaly Howpsyzlyk geňeşinde bir agyzdan kabul edildi.

Kararda Kowid-19 epidemiýasy sebäpli esasan çaknyşyklaryň we söweşleriň dowam edýän ýerlerinde uly ýitgi çekilmegine uly alada bildirilýändigi nygtaldy.

Kararda BMG-nyň Howpsyzlyk geňeşiniň ynsanperwer kömekleriň ýetirilmeginde hiç hili bökdençligiň başdan geçirilmezligi üçin 90 gün global gumanitar hüjüm etmezlik talap edilýär.

Hüjümleriň bes edilmegi hakyndaky karar BMG-niň Howpsyzlyk geneşi tarapyndan kesgitlenen DAIŞ, Al Kaýda, Al Nusra we şol terror guramalary bilen arabaglanşykly adamlara hem-de toparlara degişli däl.