Katar, siriýanyň halkyna 100 million dollarlyk kömek berer
Kataryň Siriýada başdan geçirilýän gumanitar krizisiň başyndan bäri siriýanyň halkyna beren ýardamy 1 milliard dollardan geçdi
![Katar, siriýanyň halkyna 100 million dollarlyk kömek berer](http://cdn.trt.net.tr/images/xlarge/rectangle/932a/8f11/774f/5efc2b8134abb.jpg?time=1719256907)
Kataryň Daşary işler ministri Muhammed Bin Abdurrahman Al Sani, ýurdunyň ynsanperwer kömegine mätäç siriýanyň halkyna 100 million dollarlyk kömek berjekdigini mälim etdi.
Kataryň resmi QNA habarlar gullugynyň berýän habaryna görä, Daşary işler ministri Muhammed Bin Abdurrahman Al Sani, wideoaragatnaşyk arkaly geçirlen “Siriýa we sebitiň geljegine goldaw” temaly 4-nji Brýussel konferensiýasynda eden çykyşynda, ýurdunyň siriýanyň halkyna 100 million dollarlyk kömek berjekdigini aýtdy.
Al Sani “Katar doganlyk ýurt siriýanyň halkyna kömek bermäge dowam eder” diýdi.
Al Sani, Kataryň Siriýada başdan geçirilýän gumanitar krizisiň başyndan bäri siriýanyň halkyna beren ýardamynyň 1 milliard dollardan geçendigini belledi.
Siriýanyň hökümetini “ynsanlary öldürýän ulgam” hökmünde häsiýetlendiren Al Sani, halkara jemgyýetçiliginiň şol ulgama garşy berk tutum alyp barmalydygyny ýatlatdy.