Kovid-19 sebäpli ýogalanlaryň sany dünýäde 428 müň 920 adamdan geçdi

Täze görnüş koronawirus epidemiýasy sebäpli ýogalanlaryň sany dünýäde 428 müň 920, wirusa ýoluganlaryň sany 7 million 774 müň, sagalanlaryň sany 3 million 987 müň adamdan geçdi.

Epidemiýanyň merkezi ABŞ-da koronawirus sebäpli ýogalanlaryň sany 116 müň 847 adamdan geçdi. Keselleriň öňüni alyş we gözegçilik merkezi, Kowid-19 sebäpli ýogalanlaryň sanynyň 4-nji iýula çenli 130 müň  adama ýetmegine garaşylýandygyny mälim etdi.

ABŞ-dan soň epidemiýa säbäpli uly ýitgi çekýän ýurt Braziliýa boldy. Braziliýada 1 günde koronawirus sebäpli ýogalanlaryň sany 909 adam artyp 41 müň 901 adama ýetdi. Wirusa ýoluganlaryň sany bolsa 829 müň 902 adamdan geçdi.

Italiýada epidemiýa sebäpli ýogalanlaryň sany soňky 24 sagatda 56 adam artyp 34 müň 223, wirusa ýoluganlaryň sany 393 adam artyp 236 müň 305 adama ýetdi.

Fransiýada koronawirus sebäpli ýogalanlaryň sany 1 günde 28 adam artyp 29 müň 374, hasaba alynanlaryň sany 726 adam artyp 193 müň 692 adama ýetdi.

Ispaniýada soňky 5 günden bäri koronawirus sebäpli adam pidasy çekilmedi. Saglygy goraýyş ministrligi epidemiýa sebäpli 27 müň 136 adamyň ýogalandygyny, hasaba alynanlaryň sanynyň  155 adam artyp 243 müň 209 adama ýetendigini mälim etdi.

Portugaliýada Kovid-19 sebäpli ýogalanlaryň sany soňky 24 sagatda 1 adam artyp 1505 adama, wirusa ýoluganlaryň sany 270 adam artyp 36 müň 180 adama ýetdi.

10 million ilaty bolan Şwesiýada koronawirus sebäpli ýogalanlaryň sany 4 müň 854, hasaba alynanlaryň sany 49 müň 684 adama ýetdi.

Norwegiýada koronawirus sebäpli ýogalanlaryň sany 242, hasaba alynanlaryň sany 8 müň 608 adama ýetdi.

Koronawirus Finlandiýada 325 adamyň ýogalmagyna, 7 müň 73 adamyň hasaba alynmagyna sebäpl boldy.

Norwegiýa bilen Finlandiýa, duşenbe gününden başlap Şwesiýadan daşary ähli goňşulary üçin gümrük geçelgelerini açýar.

Meksikada koronawirus sebäpli 16 müň 450 adam ýogaldy. Ýurtda käbir şäherlerde myhmanhanalaryň, naharhanalaryň we fabrikleriň açylmagyna rugsat berildi.

Belgiýada Kovid-19 sebäpli 9 müň 650 adam ýogaldy, hasaba alynanlaryň sany soňky 24 sagatda 99 adam artyp 59 müň 918 adama ýetdi.

Koronawirus Britaniýada 41 müň 481, Germaniýada 8 müň 863, Ekwadorda 3 müň 828, Peruda 6 müň 308 we Çilide 2 müň 870 adamyň ýogalmagyna sebäp boldy.