ABŞ-da wirusa ýoluganlaryň sany 1 million 966 müň 266 adamdan geçdi

Dünýäde 398 müň 680, wirusa ýoluganlaryň sany 6 million 874 müň 800 adamdan geçdi

1430689
ABŞ-da wirusa ýoluganlaryň sany 1 million 966 müň 266 adamdan geçdi

 

Täze görnüş koronawirus sebäpli ýogalanlaryň sany dünýäde 398 müň 680, wirusa ýoluganlaryň sany 6 million 874 müň 800, wirusy ýeňenleriň sany hem 3 million 369 müň  adamdan geçdi.

ABŞ-da Kovid-19 sebäpli ýogalanlaryň sany 111 müň 400, wirusa ýoluganlaryň sany 1 million 966 müň 266 adamdan geçdi

Italiýada koronawirus sebäpli ýogalanlaryň sany 1 günde 85 adam artyp 33 müň 774, wirusa ýoluganlaryň sany518 adam artyp 234 müň 531 adama ýetdi.

Fransiýada epidemiýa sebäpli soňky 24 sagatda 46 adam ýogaldy. Şeýlelikde ýurtda Kovid-19 sebäpli ýogalanlaryň sany 29 müň 111, hasaba alynanlaryň sany hem 611 adam artyp 190 müň 460 adama ýetdi. Ylym geňeşiniň başlygy Delfraissy, ýurtda epidemiýanyň gözegçilik astyna alynandygyny mälim etdi. 23-nji martdan bäri ýurtda ilkinji gezek metjitlerde ybadat edilmegine rugsat berildi, 3 aýa golaý wagt soň ilkinji Juma namazy okaldy.

Ispaniýanyň Saglygy goraýyş ministrligi koronawirus sebäpli ýogalanlaryň sanynyň 1 günde 27 adam artyp 27 müň 134, hasaba alynanlaryň sanynyň hem 177 adam artyp 240 müň 978 adama ýetendigini mälim etdi.

Portugaliýada Kovid-19 sebäpli soňky 24 sagatda 10 adam ýogaldy, epidemiýa sebäpli ýogalanlaryň sany 1465, hasaba alynanlaryň sany 377 adam artyp  33 müň 969 adama ýetdi. Premýer ministri Antonio Kosta, ýurtlaryň gümrük geçelgeleriniň we howa menzilleriniň daşary ýurtly uçar saparlary üçin 15-nji iýunda açyljakdygyny mälim etdi.

Koronawirus sebäpli Braziliýada häzire çenli 34 müň 21 adam ýogaldy. Prezident Bolsonaronyň, epidemiýa sebäpli ýogalanlar hakynda aýdan “Ölüm bu dünýäniň ykbaly” diýen sözlerine halk uly garşylyk görkezdi. Ýurt, epidemiýanyň Latyn Amerikadaky merkezi hökmünde kabul edilýär.

Britaniýada koronawirus sebäpli ýogalanlaryň sany 40 müň 261, Meksikada 13 müň 170, Belgiýada 9 müň 580, Germaniýada 8 müň 763, Kanada-da 7 müň 751, Peruda 5 müň 162, Ekwadorda 3 müň 534, Çilide 1448 we Kolumbiýada 1145 adama ýetdi.



Degişli Habarlar