Jorj Floýdyň polisiýa işgäri tarapyndan öldürilmegine garşy başlan protest ýörişleri dowam edýär

ABŞ-da Jorj Floýdyň 26-njy maýda Minnesota ştatynda polisiýa işgäri tarapyndan öldürilmegine garşy başlan protest ýörişleriniň möwjemegi sebäpli paýtagt Waşingtona goşmaça 1500 milli goragçy ornaşdyrlar.

Nýu-Ýorkda protest ýörişlerinde talaňçylyk edendigi sebäpli 700 adamyň saklanandygy habar berildi.

Protest ýörişlerinde 10 polisiýa ulagynyň ýakylandygy we 10 işgäriň ýaralanandygy nygtaldy.

Şäheriň dünýä derejesinde ýakyndan tanalýan söwda merkezindäki dükanlaryň talanmagy sebäpli köçä çykmak gadagançylygynyň möhledi uzadyldy.

Şäherdäki talaňçylygyň öňüni almak maksady bilen ýerli wagt bilen 20.00-dan başlap käbir köçeler gatnawa ýapyldy.

Beýleki tarapdan Teksasda 25 müň adamyň gatnaşmagynda geçirlen protest ýörişlerine Jorj Floýdyň maşgala agzalarynyň hem gatnaşandygy habar berildi.

Waşingtonda umuman alnan protest ýörişleri asuda ýagdaýda geçirildi.

Protestçylaryň Ak Tama çenli gelmezlikleri üçin berk howpsyzlyk çäreleri görüldi.

BMG-nyň Baş sekretary Antoniu Guterreş, amerikaly ýolbaşçylara protestçylara garşy aşa güýç ulanylmazlygy üçin çagyryş berdi.

Guterreş Twitterden beren beýanatynda “Bize ýer eýeçiligini edýän ýurtda we BMG-nyň ýerleşýän ýeri bolan Nýu-Ýorkda şeýle wakalary görmek diýseň gynandyryjy” diýdi.