Russiýada koronawirusa ýoluganlaryň sany 317 müň 554 adama ýetdi

Dünýäde täze görnüş koronawirus epidemiýasy sebäpli ýogalanlaryň sany 330 müň adama golaýlady.  Wirusa ýoluganlaryň sany 5 million 104 müň 900, wirusy ýeňenleriň sany 2 million  34 müň 700 adamdan geçdi.

Hytaýda koronawirus sebäpli 4 müň 634 adam ýogaldy. Soňky 24 sagatda ýene-de 2 adama wirusyň ýokaşandygy anyklanyldy.

Günorta Koreýada Kovid-19 sebäpli ýogalanlaryň sany 264, wirusa ýoluganlaryň sany 11 müň 122 adama ýetdi.

Russiýada epidemiýa sebäpli, ýogalanlaryň sany 3 müň 99, wirusa ýoluganlaryň sany 317 müň 554 adama ýetdi. Epidemiýanyň ýurtdaky merkezine öwrülen paýtagt Moskwada Kovid-19 sebäpli ýogalanlaryň sany 68 adam artyp 1794, wirusa ýoluganlaryň sany 2 müň 913 adam artyp 155 müň 219 adama ýetdi.

Koronawirus sebäpli Kuweýtde 124 adam ýogaldy, 17 müň 568 adam hasaba alyndy.

Koronawirus Katarda 16 adamyň ýogalmagyna, 37 müň 97 adamyň hasaba alynmagyna sebäp boldy.

Omanda bolsa epidemiýa sebäpli 28 adam ýogaldy, hasaba alynanlaryň sany 372 adam artyp 6 müň 43 adama ýetdi.

Bahreýnde Kovid-19 sebäpli 12 adam ýogaldy, wirusa ýoluganlaryň sany 7 müň 843 adama ýetdi

Koronawirus Müsürde 680 adamyň ýogalmagyna, 14 müň 229 adamyň hem hasaba alynmagyna sebäp boldy. Hökümet Kowid-19 epidemiýasyna garşy göreşe goldaw bermek üçin gullukçylaryň aýlyklarynyň belli bir böleginiň kesilmegini göz öňünde tutýan kanun taslamasyny tassyklady.

Koronawirus Eýranda 7 müň 183, Pakistanda 1017, Ukrainda 579, Bangladeşde 386, Saud Arabystanynda 339, Birleşen Arap Emirliklerinde 233, Moldowada 232, Ermenistanda 70, Gazagystanda 35, Singapurda 16, Gyrgyz Respublikasynda 14, Özbegistanda 13 we Gruziýada hem 12 adamyň ýogalmagyna sebäp boldy.