Koronawirus sebäpli ýogalanlaryň sany dünýäde 259 müň adama golaylady

Täze görnüş koronawirus sebäpli ýogalanlaryň sany dünýäde 258 müň 400, wirusa ýoluganlaryň sany 3 million 730 müň, sagalanlaryň sany bolsa 1 million 245 müň 700 adamdan geçdi.

Epidemiýanyň merkezi ABŞ-da koronawirus sebäpli ýogalanlaryň sany 72 müň 200 adamdan geçdi.

Italiýada Kovid-19 sebäpli ýogalanlaryň sany 1 günde 236 adam artyp 29 müň 315 adama ýetdi, wirusy ýeňenleriň sany 1513 adam azalyp 98 müň 467 adama çenli aşaklady.

Fransiýada koronawirus sebäpli ýogalanlaryň sany soňky 24 sagatda 330 adam artyp 25 müň 531 adama, wirusa ýoluganlaryň sany 406 adam artyp 204 müň 659 adama ýetdi. Fransiýada Kovid-19-a garşy görlen çäreleriň 11-nji maýdan başlap tapgyrlaýyn bes edilmegi barada karar kabul edildi.

Britaniýada epidemiýa sebäpli ýogalanlaryň sany soňky 24 sagatda 693 adam artyp 29 müň 427 adama ýetdi.

Germaniýada koronawirus sebäpli ýogalanlaryň sany soňky 24 sagatda 165 adam artyp 6 müň 996 adama ýetdi. Ýurtda ähli dükanlaryň we açyk howada geçirilýän sport çäreleriniň belli şertlerde açylmagy meselesinde ylalaşyk gazanyldy.

Kanada-da wirus sebäpli ýogalanlaryň sany soňky 1 günde 185 adam artyp 4 müň 166 adama ýetdi. Wirusa ýoluganlaryň sany 1274 adam artyp 62 müň 46 adama ýetdi.

Günorta Amerikada ýerleşýän Braziliýada Kovid-19 sebäpli ýogalanlaryň sany soňky 24 sagatda 633 adam artyp 7 müň 921 adama ýetdi. Hasaba alynanlaryň sany 9 müň 493 adam artyp 114 müň 715 adama ýetdi.

Täze Zelandiýada epidemiýa sebäpli ýogalanlaryň sany 21 adama ýetdi.