Koronawirus ýokaşanlaryň sany 2 million 400 müň, sagalanlaryň sany 650 müň adamdan geçdi
Belarusda wirus sebäpli ýogalanlaryň sanynyň 4 adam artyp 51 adama ýetdi
Täze görnüş koronawirus sebäpli ýogalanlaryň sany 170 müň, wirus ýokaşanlaryň sany 2 million 400 müň, sagalanlaryň sany 650 müň adamdan geçdi.
Belarusyň Saglygy goraýyş ministrliginden berlen beýanatda, ýurtda wirus sebäpli ýogalanlaryň sanynyň 4 adam artyp 51 adama, koronawirus ýokaşanlaryň sanynyň bolsa 1485 adam artyp 6 müň 264 adama ýetendigi nygtaldy.
Moldowada epidemiýa sebäpli ýogalanlaryň sany 68, hasaba alynanlaryň sany bolsa 76 adam artyp 2 müň 548 adama ýetdi.
Gazagystanyň Saglygy goraýyş ministrliginiň görkezijilerine görä, wirus sebäpli ýogalanlaryň sany 19, hasaba alynanlaryň sany bolsa 18 adam artyp 1775 adama ýetdi. Sagalanlaryň sany hem 37 adam artyp 447 adama ýetdi. Wirusy ýeňenleriň arasynda 82 ýaşyndan geçen 2 adamyň bardygy habar berildi.
Azerbaýjnada koronawirus sebäpli ýogalanlaryň sany 19 adama, wirus ýokaşanlaryň sany 38 adam artyp 1436 adama ýetdi. Sagalanlaryň sany hem 79 adam artyp 791 adama ýetdi. 626 keselliniň bejergisi dowam edýär.
Özbegistanyň Saglygy goraýyş ministrligi ýene-de 39 adama wirusyň ýokaşmagy bilen jemi hasaba alynanlaryň sanynyň 1604 adama ýetendigini mälim etdi. Ýurtda sagalanlaryň sany 36 adam artyp 262 adama ýetdi. Epidemiýa sebäpli 5 adam hem ýogalypdy.
Afrika ýurtlaryndan Ganada, Ruanda-da we Beninde koronawirusa garşy göreşiň çäginde maskasyz köçä çykmak gadagan edildi.
Degişli Habarlar
Ysraýylyň Hüjüminde Hamasyň Syýasy Lideriniň Uýasy Ýogaldy
Ysraýylyň hüjüminde Hamasyň syýasy lideri Ismail Haniýeniň uýasy bilen birlikde 10 adam ýogaldy.
