Germaniýanyň Daşary işler ministri Türkiýedäki bosgunlar bilen bagly beýanat berdi

Heýko Maas, ÝB-e agza ýurtlaryň Daşary işler ministrleriniň arasynda geçirilen wideoşekilli göni aragatnaşyk arkaly iş maslahatyndan soň, metbugat işgärlerine beýanat berdi. 

Türkiýäniň 4 million bosguna ýer eýeçiligini edýändigini aýdan Maas, şol sebäpli ÝB-nyň Türkiýe bilen 2015-nji ýylda ylalaşyk baglaşandygyny ýatlatdy. 

Maas, Türkiýe bilen ÝB-niň arasynda bu ylalaşykdaky düşünişmezçilikleri ortadan aýyrmak maksady bilen türk resmiler bilen gepleşikler geçirýändiklerini habar berdi. 

Taraplaryň ylalaşygyň düzgünlerini berjaý etmelidigine ünsleri çeken Maas: "Biz muňa taýardyrys. Türkiýäni esasan hem Siriýadan gelen köp sanda bosgun bilen ýalňyz goýup bolmajakdygyny hem kabul edýäris" diýip nygtady.