Fransiýada Sary ýeňsizlileriň protestleri düýn hem dowam etdi
Fransiýada Sary ýeňsizliler, Prezident Emmanuel Makronyň ýolbaşçylygyndaky hökümetiň syýasatyny protest etmek maksady bilen ýene-de bir gezek köçelere çykdylar
Ýangyjyň bahalarynyň gymmatladylmagyna we erbet ykdysady şertlere nägilelik bildirmek maksady bilen başlan, belli bir wagt soň bolsa Makronyň ýolbaşçylygyndaky hökümete garşy öwrülen Sary ýeňsizliler toparynyň protestleri eýýäm 65 hepde bäri dowam edýär.
Parižde Sary ýeňsizliler, Polisiýa gullugynyň gadagançylygyna garamazdan, Döwlet Geňeşiniň golaýyndaky Palais Roýal meýdançasyna ýygnandylar.
Beýleki bir topar bolsa Parižiň Sant Klod etrapçasyndan Pereire etrapçasyna çenli ýöriş gurady.
Giň gerimli howpsyzlyk çäreleriniň astynda geçirilen protestler hiç hili hadysasyz tamam boldy.
Parižiň Içeri işler edarasyndan berilen beýanatda, demonstrasiýada 32 adamyň göz tussaglygyna alynandygy we 140 adama rugsatsyz ýagdaýda protestlere gatnaşandygy sebäpli pul jerimesiniň kesilendigi aýan edildi.
Pul jerimesi kesilen adamlaryň arasynda Sary ýeňsizliler toparynyň lideri Erik Drue hem bar.
Ýurdyň Bordo şäherinde geçirilen protestlerde polisiýa işgärleri bilen demonstrantlaryň arasynda dartgynly pursatlar başdan geçirildi.
Polisiýa işgärleri demonstrantlara garşy gözüňi ýaşrdýan gaz, plastik bomba we dubinka ulandy.
Demonstrantlar bolsa birnäçe restoranyň we bankyň aýnalaryny döwdiler.
Degişli Habarlar
Nigeriýada Zamun Alynan 64 Çaga Bilen Zenan Boşadyldy
Harby goşun ýaragly başbozarlara garşy geçirýän operasiýasyny dowam etdirýär
Russiýa, Ermenistandaky Ilçisini Yzyna Çagyrdy
Degişli kararyň näme sebäpli kabul edilendigi barada bolsa maglumat berilmedi.