Rus uçarlarynyň hüjüminde 26 adam ýogaldy
Rus harby uçarlarynyň Siriýanyň Idlib etrabyndaky Dartgynlygy azaldyş zolagyndaky ilatly ýerlere guran hüjümlerinde asuda ilatdan 26 adam aradan çykdy
Oppozisionerlere degişli uçarlary synlama merkeziniň beýan etmegine görä rus harby uçarlary düýn ir säherden başlap Idlibiň Bara, Bsida we Masaran obalary bilen Haladyň günbataryndaky Kafar Dael, Mansura, Kefer Teal, İrhab, Takad, Şamko, İndomi, Jidraýa, Kefer Naha, Termanin we Kefer Nuran obalaryna hüjüm gurady.
Raýat goranyş edarasynyň berýän habaryna görä İdlibiň Bara obasynda 2, Haladyň günbataryndaky Kefer Teal obasynda bir maşgaladan 6 sanysy çaga, jemi 9, Takad obasynda 1, Jidraýada 2, Termaninde 1, Kefer Nahada 2, İrhabda 1, Kefer Nuranda 8, jemi 26 adam ýogaldy.
Raýat goranyş edarasynyň gullukçylary gözleg we halas edişlerini dowam etdirýär.
Hüjümler dowam edýändigi sebäpli aradan çykanlaryň sanynyň artmagyna alada bildirilýär.
Degişli Habarlar
Russiýa Donetsk sebitindäki Nowokalinowo basyp aldy
Russiýa Donetsk sebitindäki Nowokalinowo ýaşaýyş zolagyny ele geçirendiklerini habar berdi
Ispaniýa, Malta, Irlandiýa we Sloweniýa Palestinany Ykrar Eder
Borrel,Palestinany ykrar etjek Ýewropa ýurtlary hakynda durup geçdi.