Putin Russiýanyň ykdysadyýeti üçin goşmaça çözgütleriň gerekdigini belledi
Russiýa Federasiýasynyň Prezidenti Wladimir Putin, Russiýanyň ykdysadyýetiniň kanagatlanarly derejede ösmeýändigini belläp, dowamly we güýçli bir ösüş üçin goşmaça çözgütleriň gerekdigini belledi
Putin, paýtagt Moskwada Russiýanyň Wise-premýeri we Maliýe ministri Anton Siluanow we Russiýanyň Ykdysady galkynyş ministri Maksim Oreşkin bilen ýurdyň ykdysadyýetindäki täzelikleriň üstünde durup geçdi.
Russiýanyň ykdysadyýetindäki ösüşiň oňyn derejededigini aýdan Putin: “Emma, umumy alanymyzda ykdysadyýetdäki ösüşiň kanagatlanarly derejededigini aýdyp bilmeris” diýdi.
Ýurdyň ykdysadyýeti bilen bagly täze çözgütleriň gerekdigini aýdan Putin: “Dowamly we güýçli bir ösüş üçin goşmaça çözgütler gerek” diýip belledi.
Inflýasiýanyň bolsa meýilleşdirilen derejä golaýlandygyny aýdan Putin: “Inflýasiýa häzirki wagtda 4,5 derejede we dowamly häsýetde meýilleşdirilen dereje ýetip barýar. Emma, inflýasiýadaky oňyn görkezijilere we aýlyklaryň artyşyna garamazdan, halkyň real girdejisi örän ýuwaş artýar we bu ýagdaý örän aladalandyryjy” diýip nygtady.
Rostat tarapyndan berilen habarnama görä, Russiýanyň ykdysadyýeti ýylyň ilkinji ýarymynda 0,7 göterim ösdi.
Degişli Habarlar
ABŞ-da uçar ýere gaçdy
ABŞ-nyň Günorta Kaliforniýa sebitinde köne görnüşli uçaryň ýere gaçmagy netijesinde 2 adam ýogaldy
Ysraýylyň Gaza garşy hüjümleri Gurban baýramy günlerinde hem dowam edýär
Ysraýylyň Gaza zolagyna garşy guraýan hüjümleri Gurban baýramy günlerinde hem dowam edýär