Russiýanyň Wenesuella 35 tonnalyk medisina enjamyny ugradandygy öňe sürüldi
Iki ýurduň resmi ýolbaşçylary mesele hakynda heniz hiç hili beýanat bermedi
Russiýanyň, harby ýük uçary bilen Wenesuella 100 esger bilen 35 tonnalyk medisina enjamyny ugradandygy öňe sürüldi.
Russiýanyň ýerli köpçülikleýin habar beriş serişdeleriniň berýän habaryna görä, Goranmak ministrligine degişli harby ýük uçary Wenesuelanyň paýtagty Karakasyň demirgazygyndaky halkara Simon Bulwar howa menziline gondy.
Harby uçarda 100-den gowrak rus harby esgeri bilen 35 tonnalyk medisina enjamynyň bardygy nygtaldy.
Rus harby wekiliýetine Russiýanyň ýaragly güýçleriniň Ýokary serkerdesi Wasily Tonkoskurowyň ýolbaşçylyk edýandigi nygtaldy.
Iki ýurduň resmi ýolbaşçylary mesele hakynda heniz hiç hili beýanat bermedi.
Wenesuelanyň Prezidenti Nikolas Maduro hepdaniň başynda beren beýanatynda Russiýadan medisina kömegini aljakdyklaryny mälim edipdi.
