Pakistanyň howa giňişliginiň käbir ýerleri ýaňadandan ýapyldy
Pakistanda dolulygyna açylandygy habar berilen howa giňişliginiň gündogar-günbatar ugrunda ertire çenli gaýtadan ýapylandygy habar berildi
![Pakistanyň howa giňişliginiň käbir ýerleri ýaňadandan ýapyldy](http://cdn.trt.net.tr/images/xlarge/rectangle/6c06/bcd0/a664/5c5596513842f.jpg?time=1718877848)
Pakistanyň Raýat awiasiýa edasyndan berilen beýannamada 27-nji fewralda ýapylan we 3 gün soň bölekleýin häsýetde açylan howa giňişliginiň şu gün dolulygyna açylmagyndan soň käbir ýerleriň gaýtadan ýapylandyğy we ertire çenli ýapyk boljakdygy mälim edildi.
Beýannamada howa giňişliginde gündogar-günbatar we günbatar-gündogar ugurlarynda ýapylan üstaşyr howa gatnawynyň ertir ýerli wagt bilen sagat 10:00-da açyljakdygy habar berildi.
Pakistana gonjak uçarlaryň bolsa kesgitlenen uğurlardan peýdalanjakdygyna üns çekilýän beýannamada, Sialkot, Rahim Ýar Han we Sukkur howa menzilleriniň bolsa ertir ýerli wagt boýunça 10:00-a çeni ýapyk boljakdygy mälim edildi.
Esasanda Aziýa-Ýewropa uçuş ugurlarynyň özgermegine ýa-da bes edilmegine sebäp bolan howa giňişliginiň ýapylmagy baradaky karar sebäpli uçarlar Eýran we Hytaý ugurlaryndan peýdalanýardy.
İki ýurduň arasyndaky dartgynlyk 26-njy fewralda Hindistanyň Pakistanyň howa giňişligini bozmağy sebäpli hasam möwjäpdi, Pakistan bolsa 27-nji fewralda Hindistandaky nyşanalary bombalapdy.
Şol gün Pakistanyň howa giňişligini bozan 2 hindi uçaryny urup düşüren Pakistan bilen Hindistanyň howa giňişlikleriniň belli böleklerini ýa-da dolulygyna howa gatnawyna ýapypdy.
Degişli Habarlar
![Nigeriýada ýaragly hüjüm guraldy](http://cdn.trt.net.tr/images/medium/rectangle/08a0/68d7/0d73/65f91595993c6.jpg?time=1718877849)
Nigeriýada ýaragly hüjüm guraldy
Nigeriýanyň Benue we Kaduna welaýatlarynda guralan ýaragly hüjümlerde 12 adam ýogaldy
![Kanadanyň Eýran bilen bagly karary](http://cdn.trt.net.tr/images/medium/rectangle/0443/328f/d2a5/661124f0d7956.jpg?time=1718877849)
Kanadanyň Eýran bilen bagly karary
Kanada Eýranyň Ynkylap goragçylaryny terror guramalarynyň sanawyna aldy