Hindistanda ok-däri ammarynda partlama boldy
Hadysada 6 adam ýogaldy
1091662
Hindistanda ýurdyň Ýaragly güýçlerine degişli ok-däri ammarynda bolan partlamada 6 adam ýogaldy.
Ýerli metbugatdaky habarlara görä, Maharaştra ştatynyň Wardha sebitinde ýurdyň iň uly ýarag ammarynyň ýerleşýän ýerindäki ok-däri ammarynda partlama boldy.
Partlamada 6 adam ýogaldy, 18 adam ýaralandy.
Resmiler partlamanyň köne ok-däriniň ýok ediliş operasiýasy mahalynda bolandygyny habar berdiler.
Şol ammarda 2016-njy ýylda hem partlama bolupdy, ol partlamada bolsa 16 adam ýogalypdy.
