Arap ligasy, Ysraýylyň palestinanyň halkyna garşy edýän jenaýatyny ýazgardy

Arap ligasy, Ysraýylyň palestinanyň halkyna garşy edýän jenaýatyny ýazgardy we palestinalylaryň halkara jemgyýetçiligi tarapyndan goralmagyny talap etdi.

Arap ligasynyň Müsüriň paýtagty Kairde geçirlen maslahatynda Ysraýylyň palestinanyň halkyna garşy edýän jenaýaty meselesi seljerildi.

Maslahatyň jemleýji jarnamasynda “Arap ligasy Ysraýylyň palestinaly asuda ilata garşy bilkastlaýyn edýän jenaýatyny harby we adamzat jenaýaty hökmünde kabul edýär we ýazgarýar” diýildi.

Jarnamada BMG-dan we halkara jemgyýetçiliginden Gazadaky we Palestinadaky asuda ilatyň goralmagy talap edildi.

Jarnamada Ysraýylyň hökümetiniň Gazada jenaýat edýändigi ýatladyldy we jenaýatyň jogapkärleri hakynda kazyýet işiniň gozgalmagy islendi.