Tramp: “Nebitiň bahalarynyň gymmatlamagyny islemeýärin”
ABŞ-niň Prezidenti Donald Tramp, Eýranyň nebit söwdasyna garşy sanksiýalary belli bir aralyklara bölüp, girizjekdigini habar berdi
Ak Tamyň howlusynda Eýrana garşy girizilen sanksiýalaryň üstünde durup geçen Tramp, sanksiýalaryň tümi bilen Eýranyň nebit eksportyny biri-birinden aýry görýändigini beýan etdi.
Eýrana garşy örän güýçli we berk pozisiýa eýeländiklerini aýdan Tramp: “Eýrana garşy şu günki güne çenli iň güýçli sanksiýalary girizdik, emma nebit meselesi babatynda biraz ýuwaş gitmek isleýäris, sebäbi dünýäde nebitiň bahalarynyň gymmatlamagyny islemeýärin” diýip belledi.
Nebitiň bahalary babatynda ABŞ-niň seresap syýasat alyp barjakdygyny aýdan Tramp: “Onuň Eýran bilen bir arabaglanşygy ýok, Eýranyň nebit eksportyny dolulygynda aýyryp bilerin, emma ol wagt bazarlarada durnuksyzlyk emele geler. Nebitiň bahalarynyň gymmatlamagyny islemeýärin” diýip nygtady.
ABŞ düýn 2015-nji ýylda gazanylan ýadro ylalaşygy bilen ortadan aýrylan Eýrana garşy kabul eden sanksiýalarynyň 2-nji etabyny güýje girizipdi.
Degişli Habarlar
Ermenistanda Hökümete Garşy Geçirilýän Ýörişler Dowam Edýär
Ýerewanda geçirilýän hökümete garşy ýörşlerde 240-dan gowrak adam saklandy.
