Gazada geçirlen parahatçylykly maksatly ýörişde 7 palestinaly şehit boldy
Gazada geçirlen ýörişlerde 5-i agyr bolmak bilen 154 palestinaly hakyky gülleler sebäpli ýaralandy
1067963
Ysraýylly esgerleriň gabawy astyndaky Gaza serhedinde geçirlen parahatçylykly maksatly ýörişde protestçylara ot açylmagy netijesinde 7 palestinaly şehit boldy.
Palestinanyň Saglygy goraýyş ministrliginiň metbugat geňeşçisi Eşref Al Kudra mesele barada beren ýazmaça beýanatynda Gaza serhedinde geçirlen ýörişlerde 5-i agyr bolmak bilen 154 palestinalynyň hakyky gülleler sebäpli ýaralanandygyny, ýaralananlaryň arasynda 50 çaga bilen 10 zenanyň bardygyny nygtady.
Beýleki tarapdan Ysraýylyň Goranmak ministri Awigdor Liberman Gazanyň ýangyç bilen üpjün edilmegi baradaky işleriň saklanmagy barada görkezme berdi.
Liberman Gazada wakalar dowam edýärkä Ysraýylyň Gaza ýangyjyň girmegine rugsat berip bilmejekdigini aýtdy.
