Gollandiýada owgan bosgunlaryň ýurtlaryna yzyna ugradylmagy kararyna garşy ýöriş geçirildi

Gollandiýanyň Utreht şäherinde baş penalyk ýüz tutmalary kabul edilmedik owgan bosgunlaryň ýurtlaryna yzyna ugradylma baradaky karara garşy protest ýörişi geçirildi.

Dom meýdanynda bir ýere jemlenşen topar “Owganlary yzyna ugratmaň”, “Bosgunlar ýurda gelsin, rassistler ýurtdan çykarylsyn”, “Bosgunlara gapymyz açyk”  diýlen şygarlar bilen şäher merkezinde ýöriş geçirdi.

Protest ýörişinde hökümetiň bosgunlar meselesinde alyp barýan syýasatyna nägilelik bildirildi.

Owganlary Yzyna ugratmak platformasynyň metbugat geňeşçisi Gallenbah şäher merkezindäki otly bekediniň öňünde eden çykyşynda Gollandiýanyň hökümetinin we ÝB-niň bosgunlara berlen ýaşagyş hukugy baradaky syýasatyny tankyt edýändiklerini aýtdy.

Owganlaryň Gollandiýada ýaşamak mümkinçiliginiň bardygyny nygtan Gallenbah, şu günki güne çenli beren çagyryşlaryna hökümetiň gulak asmandygyny ýatlatdy.

Talibanyň Owganystanda guraýan hüjümleriniň dowam edýändigini aýdan Gallenbah “Halkara adam hukuklaryna we bosgunlar baradaky şertnamalara sarpa goýýan bolsaň onda owgan bosgunlary yzyna ugradyp bilmersiňiz” diýdi.