BMG Idlibdäki soňky wakalary we Tähran maslahatynyň netijelerini seljermek üçin jemlenşer
BMG-nyň Howpsyzlyk geňeşi Siriýanyň Idlib şäherinde başdan geçirilýän wakalar bilen Türkiýäniň, Russiýanyň we Eýranyň lideriniň Eýranyň paýtagty Tähranda geçiren maslahatynyň netijelerini ara alyp maslahatlaşmak üçin jemlenşer
BMG-nyň Howpsyzlyk geňeşiniň agzasy Russiýa, Idlibdäki soňky wakalaryň ara alnyp maslahatlaşylmagy üçin BMG-nyň Howpsyzlyk geňeşiniň gyssagly jemlenişmegi barada çagyryş berdi.
BMG-nyň Howpsyzlyk geňeşi Russiýanyň çagyryşyna laýyklykda şu gün Türkiýe wagty bilen sagat 18.00-da Idlibdäki soňky wakalary we Prezident Erdoganyň, Russiýanyň Prezidenti Putiniň we Eýranyň Prezidenti Ruhaniniň Tähranda geçiren üçtarapalýyn maslahatynyň netijelerini seljermek üçin jemlenşer.
BMG-na görä, Siriýanyň hökümetiniň we Russiýanyň ýurduň demirgazyk günbatarynda ýerleşýän Idlib we Hama welaýatlarynda guran howa hüjümleri we çaknyşyklar sebäpli soňky 1 hepde-de 30 müňden gowrak adam öýüni terk etdi, köp sanly adam hem ýogaldy.
Siriýanyň demirgazyk günbatarynda ýerleşýän harby oppozisionerleriň we hökümete garşy ýaragly toparlaryň gözegçiligi astynda bolan Idlib bilen töwerekleri 2017-nji ýylyň maý aýynyň 4-5i aralygynda Astanada geçirlen maslahatda “çaknyşyksyz zolak” hökmünde yglan edilipdi, emma muňa garamazdan Asada tabynlykdaky güýçler bilen wagtal-wagtal hem Russiýa Idlibe howa hüjümlerini guramaga dowam edýär.