Indoneziýanyň Lombok adasynda bolan ýer titremesinde ýogalan adamlaryň sany örän artdy
Indoneziýanyň Lombok adasynda bolan ýer titremesinde ýogalan adamlaryň sany 515-e ýetdi
1036354
Milli Apat dolanşyk agentliginiň metbugat geňeşçisi Sutopo Purwo Nugroho ýurdyň gündogaryndaky Lombok adasynda ýer titremede ýogalan adamlaryň sanynyň 515-e ýetendigini habar berdi.
Ýer titreme sebäpli 75 müň öýe zeper ýetdi, 431 müň 436 adam öýlerini terk etmäge mejbur galdy.
Adada 5-nji awgustda 7 bal ululygynda bolan ýer titremeden soň, 2 gün ozal hem 6,3 we 6,9 bal ululyklarynda ýer titremeleri boldy.
Lombok adasynda 17 günde 800-den gowrak kiçiräk yranmalar boldy.
Gözleg we halas ediş işleri dowam edýänligi sebäpli ýogalan adamlaryň sanynyň artmagyna alada bildirilýär.