Owganystanda bilim edarasyna hüjüm guraldy
Hadysada ilkinji kesgitlemelere görä 2 adam ýogaldy
Owganystanda Bilim edarasyna guralan ýaragly hüjümde ilkinji kesgitlemelere görä 2 adam ýogaldy.
Nangarhar welaýatynyň gubernatorlygynyň metbugat geňeşçisi Ataullah Hogýani Jelalabadyň 5-nji etrapçasyndaky bilim edarasyna ýaragly adamlar tarapyndan hüjüm guralandygyny habar berdi.
Hüjümçileriň bilim edarasynyň girelgesinde 1 polisiýa işgärini we bilim edarasynyň 1 işgärini öldüreninden soň, bina girendigini aýdan Hogýani edaraň içindäki adamlary zamun alandygyny mälim etdi.
Hogýani hüjümde 7 adamyň ýaralanandygyny beýan etdi.
Ataullah Hogýani hüjümçileriň täsirsiz ýagdaýa getirilmegi üçin operasiýanyň başladylandygyny habar berdi.
Degişli Habarlar
"Ysraýyl Gazada on müňlerçe çagany öldürdi ýa-da maýyp etdi"
BMG: "Ysraýyl Gazada on müňlerçe çagany öldürdi ýa-da maýyp etdi" diýip mälim etdi
