Ýaponiýada sil we ýer süýşgünleri sebäpli ýogalanlaryň sany 134 adama ýetdi
Ýaponiýada sil we ýer süýşgünleri sebäpli ýogalanlaryň sany 134 adama ýetdi
Hiroşima, Ehime, Okaýama, Ýamaguçi, Kýoto, Gifu, Şiga, Hýogo, Koçi we Fukuoka welaýatlarynda uly ýitgi çekildi.
Hökümetiň metbugat geňeşçisi Ýoşihide Suga mesele hakynda metbugata beren beýanatynda, apatda 50 adamyň hem dereksiz ýitendigini aýtdy.
Gözleg we halas ediş işerine gatnaşýan hünärmenleriň sanynyň 75 müňe çykarlandygyny ýatladan Suga, 80 dik uçaryň hem halas edişlerine gatnaşýandygyny belledi.
Suga, apata garşy göreş üçin ýörite komitetiň döredilendigini we 18 million dollarlyk bujetiň bölünip berlendigini belledi.
19 welaaýtda 5,9 million adamyň howpsyzlyk ýerlere göçürilmegi üçin görkezme berildi.
Apat zerarly Premýer ministr Şinzo Abe Ýewropa we Ýakyn Gündogar ýurtlaryna gurajak saparyny yza süýşürdi.
Degişli Habarlar
Nigeriýada ýaragly hüjüm guraldy
Nigeriýanyň Benue we Kaduna welaýatlarynda guralan ýaragly hüjümlerde 12 adam ýogaldy
Kanadanyň Eýran bilen bagly karary
Kanada Eýranyň Ynkylap goragçylaryny terror guramalarynyň sanawyna aldy