G-7-niň Kanadada geçirlen dartgynly maslahaty öz işini tamamlady

G-7 hökmünde bilinýän dünýäniň ykdysady taýdan ösen 7 ýurdunyň lideriniň gatnaşmagynda Kanadada geçirlen maslahat öz işini tamamlady.

Maslahatda ABŞ-nyň Prezidenti Donald Trampyň Kanadanyň Premýer ministri Trudeauýa görkezen garşylygy sebäpli ünsleri özüne çekdi.

Kanadada geçirlen maslahat ABŞ-nyň ÝB-ne agza ýurtlardan, Kanadadan we Meksikadan import edilýän polada we alýumine goýan goşmaça gümrük salgydy sebäpli dartgynly ýagdaýda geçdi.

G-7-niň jemleýji jarnamasy Kanadanyň Premýer ministri Trudeau tarapyndan okaldy.

Trudeau Trampy berk tankyt etdi.

Trudeau Trampyň söwda gatnaşyklaryna zeper ýetirýän syýasatyna garamazdan iki günlük maslahatyň netijeli geçendigini belledi.

Singapurda Demirgazyk Koreýanyň lideri Kim bilen boljak duşuşygy sebäpli Kanadadan ir gaýdan Tramp, Trudeaunyň özi hakyndaky tankydy belliklerine Twitter arkaly jogap berdi.

Tramp Kanadanyň Premýer ministrini berk tankyt etdi we G-7-niň jemleýji jarnamasyna gol goýmajakdygyny habar berdi.