"Ylalaşygyň döreden ýeňillikleriniň goralmagy üçin ÝB-niň ýeterlik derejede tagalla etmeýär"
Zarif düýn paýtagt Tähranda Ýewropa Komissiýasynyň Energetikadan jogapkär wekili Miguel Arias Kanete bilen duşuşdy
Eýranyň Daşary işler ministri Jawad Zarif 2015-nji ýylda gazanylan ýadro ylalaşygynyň Eýran üçin döreden ýeňillikleriniň goralmagy üçin ÝB-niň ýeterlik derejede tagalla etmeýändigini aýtdy.
IRNA-dan alynan habara görä, Zarif düýn paýtagt Tähranda Ýewropa Komissiýasynyň Energetikadan jogapkär wekili Miguel Arias Kanete bilen duşuşdy.
Zarif duşuşykda ABŞ-nyň ylalaşykdan çekilmegi bilen birlikde ylalaşygyň döreden ýeňillikleriniň goralmagy meselesinde ÝB-niň berýän syýasy goldawynyň ýeterlik derejede bolmandygyny nygtady.
Zarif Ýewropaly uly firmalaryň Eýran bilen edýän hyzmatdaşlyklaryny bes edip biljekdigini aýtdy.
ABŞ-nyň Prezidenti Donald Tramp 8-nji maýda ýurdunyň Eýran bilen gazanylan ýadro ylalaşygyndan çekilendigini mälim edipdi.
Ýewropaly liderler bilen Tahran bolsa ABŞ-nyň kararyna garamazdan ylalaşygyň dowam etdirilmegini isleýär.