Abbas, ABŞ-nyň Iýerusalimdäki ilçihanasyny “täze ýehudi ýaşaýyş ýeri” hökmünde häsiýetlendirdi

Palestinanyň Prezidenti Mahmud Abbas, ABŞ-nyň Iýerusalimdäki ilçihanasyny “täze ýehudi ýaşaýyş ýeri” hökmünde häsiýetlendirdi we halkara jemgyýetçiligine Ysraýylyň Gazada edýän gyrgynçylygynyň bes edilmegi çagyryşyny berdi.

Palestinanyň hökümeti Abbasyň ýolbaşçylygynda basyp alyşlyk astyndaky Günbatar Şeriýanyň Ramallah şäherindäki Prezident köşgünde jemlenişdi.

Ysraýylly esgerleriň Gazada 55 palestinalyny şehit etmegi sebäpli ýurtda 3 günlük milli ýas yglan eden Palestinanyň Prezidenti Abbas, Nekbäniň ýagny (Uly betbagtçylygyň) 70 ýyllygy mynasibetli ýurduň çar tarapynda iş taşlaýyşyň yglan edilmegi çagyryşyny berdi.

Abbas, Ysraýylyň gabaw astyndaky Gazada we Günbatar Şeriýada Palestinanyň halkyna garşy gyrgynçylyk edendigini nygtady we “Sionist terror guramalary 1948-nji ýylda hem palestinanyň halkyny öz topraklaryndan göçmäge mejbur edipdi” diýdi.

ABŞ-nyň Ysraýyl-Palestina parahatçylyk gepleşiklerinde töwellaçylyk rolyny ýitirendigini ýene-de bir gezek gaýtalan Abbas, düýn Iýerusalimde açylan ABŞ-nyň ilçihanasy barada bolsa “Ol ilçihana däl, eýsem täze ýehudi ýaşaýyş ýeri. Ysraýylyň topraklarymyzda ýehudi ýaşaýyş ýerlerini gurmagyna kömek beren ABŞ şu gün biziň territoriamyzda ýehudy ýaşaýyş ýerlerini gurdy” diýdi.