Yragyň Kürt Awtanomiýasynda başlan hökümete garşy ýörişlerde 5 adam ýogaldy
Yragyň Kürt Awtanomiýasynda ýerleşýän Süleýmaniýe şäherinde başlan hökümete garşy ýörişlerde 5 adam ýogaldy, 93 adam ýaralandy
Süleýmaniýe şäheriniň merkezinde käbir mugallymlaryň aýlyk günlükleriniň gijä galandygy we galplyga garşy başladan protest ýörişleri gysga wagtda köpçülikleýin ýörişe öwrüldi.
Şäher merkezinde başlan ýörişler beýleki etraplarda hem ýaýbaňlanýar.
Yragyň Premýer ministri Haýdar Al Abadi wakalar hakynda beren beýanatynda “Kürt Awtanomiýasynyň ýalňyş syýasatlary sebäpli demirgazykda ýörişler geçirilýär. Demonstrantlar zyýan çeken halatynda garşylyk görkezeris” diýdi.
Premýer ministr Abadi paýtagt Bagdatda beren beýanatynda merkezi hökümetiň esasy wezipesiniň ýurdundaky ähli raýatlarynyň janyny we malyny goramakdygyna ünsi çekipdi.
Yragyň Kürt Awtanomiýasyndaky howpsyzlyk güýçlerine demonstrantlaryň zyýan çekmezligi çagyryşyny beren Abadi, asuda ilatyň ýöriş geçirmek hukugynyň ellerinden alynmagyny kabul etmeýändiklerini ýatlatdy.
Premýer ministr Abadi demonstranlara hem döwlet eýeçiligindäki edaradyr kärhanaşara zeper ýetirmezlikleri çagyryşyny berdi.
Degişli Habarlar
Gazada 41 Müň 534 Adam Ýogaldy
Hüjümlerde ýogalanlaryň sany 41 müň 534, ýaralananlaryň sany hem 96 müň 92 adama ýetdi.
“Fransiýa, Ukraina Goldaw Bermäge Dowam Eder”
Makron bilen Zelenskiý, BMG-nyň Baş Assambleýasynyň 79-njy Sessiýasynyň çäginde Nýu-Ýorkda duşuşdy.