Abadi: “Terror guramasy DAIŞ ýurtda harby taýdan ýok edildi”
Yragyň Premýer ministri Haýdar Al Abadi terror guramasy DAIŞ-iň ýurtda harby taýdan ýok edilendigini mälim etdi
Premýer ministr Abadi ýurdyň paýtagty Bagdatdaky hökümet binasynda geçiren hepdelik metbugat ýygnagynda: “Yrakda DAIŞ-i harby taýdak ýok etdik we ele geçirilen ähli ýerlerimizi basyp aldyk” diýdi.
Abadi ýurdyň günbataryndaky Anbar welaýatynyň çöllüginde DAIŞ-iň ýerlerine garşy alynyp barylýan operasiýanyň hem gysga wagt soň dolulygyna tamamlanjakdygyny belledi.
Yragyň Premýer ministri Abadi ady agzalan çöllük ýeriniň DAIŞ-den dolulygyna saplananyndan soň, ýurtda ýeňiş we DAIŞ-den azat ediliş güni ýagny Milli gün hökmünde yglan etjekdiklerini nygtady.
Yrakda DAIŞ-e garşy gury ýerde söweşýän güýçleriň ählisiniň yraklylardan ybaratdygyny aýdan Abadi: “Yraklylaryň bu göreşi siriýalylaryň DAIŞ-i ýeňmeginde uly rol oýnady” diýdi.
Umumy saýlawlar bilen baglanşykly hem beýanat beren Abadi saýlawlaryň maý aýynda geçiriljekdigini, saýlawlaryň yza süýşürilmegini kabul etmejekdiklerini belledi.
Degişli Habarlar
Nigeriýada ýaragly hüjüm guraldy
Nigeriýanyň Benue we Kaduna welaýatlarynda guralan ýaragly hüjümlerde 12 adam ýogaldy
Kanadanyň Eýran bilen bagly karary
Kanada Eýranyň Ynkylap goragçylaryny terror guramalarynyň sanawyna aldy