Russiýa Siriýadaky çaknyşyklaryň azalandygyny mälim etdi
Russiýanyň Daşary işler ministri Lawrow “Duşuşygyň netijeli geçendigini” aýtdy
Prezident R. T. Erdoganyň, Eýranyň Prezidenti Hasan Ruhaniniň we Russiýanyň Prezident Wladimir Putiniň 22-nji noýabrda Soçide boljak duşuşygynyň öňüsyrasynda Daşary işler ministri Mewlüt Çawuşogly, Eýranyň Daşary işler ministri Jawad Zarif we Russiýanyň Daşary işler ministri Sergeý Lawrow düýn Antalýada duşuşdy.
Duşuşykdan soň metbugata beýanat beren Russiýanyň Daşary işler ministri Lawrow “Duşuşygyň netijeli geçendigini” aýtdy.
Russiýanyň Daşary işler ministrligi Antalýada Türkiýäniň, Russiýanyň we Eýranyň daşary işler ministrleriniň gatnaşmagynda geçirlen maslahat hakynda beýanat berdi.
Ministrligiň maslahat hakyndaky beýanatynda “Ministrler Siriýadaky çözgüt etabyny ähli taraplaýyn ara alyp maslahatlaşdy. Astana etabynyň çäginde çaknyşyksyz zolaklardaky ýagdaý we şol çäkde harby-syýasy meseleleler seljerildi. Taraplar, Siriýadaky çaknyşyklaryň Siriýadaky taraplara ýaragly çaknyşykdan syýasy çözgüt etabyna geçmek üçin amatly şert dörediljek çäge çenli aşaklady” diýildi.
