Fransiýa BMG-nyň Howpsyzlyk geňeşinden Siriýada babatynda bir karara garaşýar
Fransiýanyň Daşary işler ministri Žan-Mark Aýro Birleşen Milletler Guramasynyň Howpsyzlyk geňeşinden Siriýa babatynda bir karara garaşýandyklaryny habar berdi
Ministr Aýro: “Fransiýa BMG-nyň Howpsyzlyk geňeşindäki hyzmatdaşlary bilen, esasan hem Russiýa başda bolmak bilen hemişelik wekiller bilen bu meseläni ara alyp maslahatlaşmak isleýär” diýdi.
Ilkinji etabyň BMG-nyň Howpsyzlyk geňeşiniň kararyny almak we ondan soň Ženewadaky parahatçylyk gepleşiklerini başlatmakdygyny bellän Aýro ABŞ-dan Siriýa babatynda gelýän ýüzlenmeleriň anyk däldigini, ýurdyň Döwlet sekretary Reks Tillersonyň we Goranmak ministri Jim Mattisiň tapawutly zatlar aýdýandygyny habar berdi.
Aýro: “Asadyň eden günäleriniň jezalary berilmeli. Halkara kazyýetiň Başar Asad barada aýtjaklarynyň wagty geler” diýdi.
Fransiýa Asadyň parahatçylyk gepleşiklerine gatnaşmaly däldigini we wezipesinden çekilmelidigini belleýär.
Degişli Habarlar
"Ysraýyl Gazada on müňlerçe çagany öldürdi ýa-da maýyp etdi"
BMG: "Ysraýyl Gazada on müňlerçe çagany öldürdi ýa-da maýyp etdi" diýip mälim etdi
