Putin Gazagystany, Gyrgyz Respublikasyny we Täjigistany öz içine alýan Orta Aziýa saparyna başlady

Russiýa Federasiýasynyň Prezidenti Wladimir Putin Gazagystany, Gyrgyz Respublikasyny we Täjigistany öz içine alýan Orta Aziýa saparyna başlady.

Putin Gazagystanyň Almaty şäherinde Prezident Nursultan Nazarbaýew bilen duşuşdy.

Özara duşuşykda sebitleýin we halkara meseleler ara alynyp maslahatlaşyldy.

Gazagystanyň Prezidenti Nursultan Nazarbaýew bilen Russiýanyň döwlet Ýolbaşçysy Wladimir Putiniň arasyndaky resmi duşuşyk Prezidentiň Almatyda ýerleşýän ozalky köşkünde geçirildi.

Duşuşykda Gazagystan bilen Russiýanyň arasyndaky özara hyzmatdaşlyk bilen birlikde sebitara we halkara meseleler seljerildi.

Prezident Nazarbaýew iki ýurduň arasyndaky gatnaşyklaryň iki taraply ynamyň we düşünişmegiň esasynda ösýändigini nygtady.

Prezident Nazarbaýew ýurdy bilen Russiýanyň Siriýa meselesi bilen birlikde aktual halkara meselelerde şol bir garaýyşa eýediklerini aýtdy.

Russiýanyň döwlet ýolbaşçysy Putin bolsa Siriýa meselesiniň çözülmegi üçin Astanada gepleşikleri gurandygy üçin Prezident Nazarbaýewe sagbolsun aýdyp, Nazarbaýewiň tagallasy bilen şu günki güne çenli ýetilmeýän sepgitlere ýetilendigini aýtdy.

Duşuşyklaryny tamamlap Gyrgyz Respublikasyna baran Putin, ol ýerden Täjigistana gider.