Sergeý Lawrow resmi sapar bilen Türkiýä geler
Russiýanyň Daşary işler ministri Sergeý Lawrow geçen ýylyň 24-nji noýabrynda uçar meselesi sebäpli bes edilen Türkiýe saparyny 1-nji dekabrda amala aşyrar
![Sergeý Lawrow resmi sapar bilen Türkiýä geler](http://cdn.trt.net.tr/images/xlarge/rectangle/cf18/d60e/3fd0/58343eff24b07.jpg?time=1718858129)
Russiýanyň DİM-niň metbugat geňeşçisi Mariýa Zaharowa hepdelik metbugat ýygnagynda Daşary işler ministri Lawrowyň Rus-Türk Bilelikdäki Strategik Meýilleşdiriş Toparynyň maslahatyna gatnaşmak üçin 1-nji dekabrda Antalýanyň Alanýa etrabyna barjakdygyny mälim etdi.
Maslahatyň Türk F16-larynyň rus Su-24 uçaryny bir ýyl ozal urup düşürmeginden bäri ilkinji gezek geçiriljekdigini ýatladan Zaharowa, Alanýada özara gatnaşyklar bilen birlikde sebitleýin we halkara meselelere-de garaljakdygyny aýtdy.
Mariýa Zaharowa Siriýadaky meseleleriň gün tertibine geljek maslahatynda terrorçylyga garşy halkara göreşiň netjeliliginiň güýçlendirilmegi barda-da pikir alyşyljakdygyny nygtady.
Rus tarapynyň Türkiýe bilen gatnaşyklary ozalky çägine ýetirilmegini isleýändigine garamazdan onuň wagt talap edýändigini bellän Zaharowa: “Gatnaşyklary bozmak ýeňil, düzetmek bolsa kyn bolýar. Uçarymyzyn urlup düşürilmeginden soňky dartgynly döwürde-de eslije täze meseleler ýüze çykdy. Bularyň ählisi boýunça ylalaşylmaly we çözülmeli” diýdi.
Degişli Habarlar
!["Ysraýyl Gazada on müňlerçe çagany öldürdi ýa-da maýyp etdi"](http://cdn.trt.net.tr/images/medium/rectangle/5ac2/48c2/a801/6672c8f898d4b.jpg?time=1718858130)
"Ysraýyl Gazada on müňlerçe çagany öldürdi ýa-da maýyp etdi"
BMG: "Ysraýyl Gazada on müňlerçe çagany öldürdi ýa-da maýyp etdi" diýip mälim etdi