Halapdaky howa hüjümlerinde ýene-de dört adam ýogaldy
Siriýada Asada tabynlykdaky güýçleriň Halap şäheriniň gündogaryndaky oppozisionerleriň gözegçiligi astyndaky ýerlere guran howa hüjümlerinde ýene-de 4 adam ýogaldy, 10 adam ýaralandy
616070
Alynan maglumata görä Asada bagly güýçleriň uçarlary oppozisionerleriň gözegçiligi astyndaky Muýesser etrapçasynda ýaşaýyş ýerlerine howa hüjümi gurady.
Bombaly hüjümde aralarynda çagalar hem bolan 4 adam ýogaldy, 10 adam ýaralandy.
Howa hüjümlerinde 5 gatly bina nyşana alyndy.
Halas edijiler binanyň ýokarky gatynda harabalyklaryň aşagynda galan 2 gyz çaganyň bardygyny anyklady.
Halas ediş işleriniň netijesinde çagalaryň diňe biri halas edilip bilindi.
