"DAIŞ ABŞ-nyň gizlin ýaragly goşunydyr"
Sefewi “Bular DAIŞ-iň ABŞ-nyň gizlin ýaragly goşunydygyny subut edýär” diýdi
Eýranyň dini lideriniň harby işler boýunça kömekçisi Rahim Safewi terror guramasy DAIŞ-iň ABŞ-nyň gizlin ýaragly goşunydygyny öňe sürdi.
Rahim Sefewi ABŞ-nyň şol guramany gözegçilik astyna alyp bilmeýändigi hakyndaky garaýyşlara ynanmaýandygyny nygtady.
Sefewi “Bular DAIŞ-iň ABŞ-nyň gizlin ýaragly goşunydygyny subut edýär” diýdi.
Rehim Sefewi ABŞ-nyň Prezidentligine dalaşgärlerden Hillary Klintonyň DAİŞ ýaly Al Kaidanyň hem özleri tarapyndan gurlandygyny boýun alandygyny öňe sürdi.
Sefewi “ABŞ-nyň gizlin ýaragly goşuny DAIŞ-e ýardam berýändigi hakynda subutnamalar bar. Resmi Waşington bir tarapdan Siriýadaky we Yrakdaky ýaly yslam ýurtlarynda söweşe meçew berýär, beýleki tarapdan Ysraýylyň howpsyzlygyny üpjün etmäge çalyşýar. 1980-1988-nji ýyllardaky Yrak urşy sebäpli Eýranyň 200 müňden gowrak raýaty şehit boldy. 2011-nji ýylda başlan içerki uruş sebäpli Siriýada 300 müňden gowrak adam şehit boldy. Yragyň, Siriýanyň we Ýemeniň halkyndan 9 million adam bosgun ýagdaýyna geldi we Ortaýer deňzi bosgunlaryň gonamçylygyna öwrüldi” diýdi.