Russiýada žurnalistlere hüjüm guraldy

Russiýanyň Kawkaz sebitinde žurnalistlere we adam hukuklaryny goraýjylaryna guralan hüjümde ençeme adam ýaralandy.

Maskaly adamlar Inguş Awtonom Respublikasynyň Çeçenistan serhediniň golaýynda Groznyý şäherine tarap barýan içinde 5-si žurnalist bolan 9 adamy daşaýan awtobusy nyşana aldylar.

Hüjümçiler žurnalistleri we awtobusyň sürüjisini urdylar, yz ýanyndan bolsa awtobusy oda berip içindäki adamlary diriligine ýakmaga synanyşdylar.

Hüjümde aralarynda norwegiýaly we şwesiýaly žurnalistler bolan 6 adam ýaralandy.

Žurnalistleriň pullary, ykjam telefonlary we pasportlary ellerinden alyndy.

Bu wakadan birnäçe sagat soň bolsa bu gezek Inguş Awtonom Respublikasynyň Karabulak şäherinde 5 sany ulag bilen gelen ýaragly adamlar adam hukuklaryny goraýjy guramanyň ofisine girdiler.

Hüjümçiler kameralary we gapylary döwdüler, ofisiň içindäki enjamlary çym-pytrak etdiler.

Wakanyň bolan ýerinde edaranyň içinde hiç kimiň ýoklygy adamlaryň ýogalmagynyň öňüni aldy.

Hüjümleriň kimler tarapyndan guralandygy entek bilinenok.

Resmi Moskwa hüjümi ýazgardy, waka bilen baglanşykly giň-gerimli derňew işiniň başladylandygyny mälim etdi.