Putin göni ýaýlymda soraglara jogap berdi

Wladimir Putin Eýrana S-300 howa goranyş ulgamlarynyň ugradylmagynyň Ysraýyla howp salmaýandygyny, S-300-leriň diňe goranyş maksatly ulanylýan ulgamdygyny nygtady.
Putin Ýemendäki şertler göz öňünde tutulanda S-300 ulgamynyň ugarylmagynyň ýüz öwürdiji faktor hökmünde kabul edilip bilinjekdigini öňe sürdi.
Wladimir Putin Ukrainanyň Prezidenti Petro Poroşenkonyň Donbassy Russiýa bermegi teklip edendigi baradaky habalaryň hem hakykaty beýan etmeýändigini aýtdy.
Rus Lideri Ukrainanyň hökümetiniň gündogardaky halkyň pensiýalaryny we beýleki sosial töleglerini tölemeýändigini we maliýe hyzmatlaryny bes edendigini mälim etdi.
Putin Ukrainadaky rus separatistlerine esger we ok-däri goldawyny berýändikleri baradaky habalaryň nädogrydygyny ýene-de bir gezek nygtady.
Russiýanyň Prezidentine rus ykdysadyýetiniň ýagdaýy hem soraldy.
Wlamidir Putin nebitiň nyrhlaryndaky durnuksyzlyga we günbataryň sanksiýalaryna garamazdan ýurduň ykdysadyýetiniň depgininiň gowudygyny aýtdy.
Rublyň hümmetiniň ýokarlandygyna ünsi çeken Putin, ýurduň ykdysadyýetiniň ozalky güýjüne ýetmegi üçin 2 ýylyň gerek bolup biljekdigini nygtady.