Kerri Germaniýa, Hindistana, Şweýsariýa we Bolgariýa sapar gurar

Kerri Germaniýa, Hindistana, Şweýsariýa we Bolgariýa sapar gurar.
ABŞ-nyň Döwlet sekretarlygy tarapyndan berlen beýanata görä Jon Kerri Germaniýa, Hindistana, Şweýsariýa we Bolgariýa sapar gurar.
Kerri şu gün Germaniýada bejeriş alýan Ummanyň Soltany Kabus Bin Said bilen duşuşar.
Duşuşykda iki ýurduň arasynda geçmişi taryhyň çuňluklaryna çenli uzap gidýän gatnaşyklar ara alnyp maslahatlaşylar.
Jon Kerri Hindistanda Premýer ministr Narendra Modi tarapyndan açyljak Wibrant Gužarat halkara işewür adamlar maslahatyna gatnaşar.
ABŞ maslahata ilkinji gezek hyzmatdaş ýurt hökmünde gatnaşar.
14-nji ýanwarda Şweýsariýa barjak Kerri ol ýerde Eýranyň Daşary işler ministri Jewad Zarif bilen iki çäk duşuşyk geçirer.
Duşuşykda 15-nji ýanwarda Eýran bilen BMG-nyň Howpsyzlyk geňeşiniň hemişelik 5 agzasy we Germaniýanyň arasynda ýaňadandan başlajak gepleşikler meselesine garalar.
15-nji ýanwarda Bolgariýa barjak ABŞ-nyň Döwlet sekretary Jon Kerri Bolgariýaly ýolbaşçylar bilen howpsyzlyk, energetika we iki ýurduň arasyndaky söwda we maýa goýum gatnaşyklary hakynda pikir alyşar.